8
Allah yang mulyo nyadike manusio nguasoi ciptoan-Nyo
1 Catetan óntók pemémpén pujian: Dinyanyike nórót gitit.a Saér nyanyian Daód.
2 Ya ALLAH, ya Tuan Agóng kami,
alangke mulyo namo Kau di slóró bumi!
Kau tarokkeb keagóngan Kau di pócók langét.
3 Dari mólót budak jugo kupek yang netek, Kau bangón kekuatanc
karno mósó-mósó Kau, óntók mbungkem lawan jugo pendendem.
4 Amen aku meratike langét Kau, békénan jari Kau,
bulan samo bintang yang la Kau tetepke,
5 apola manusio sampe-sampe Kau ngingetnyo,
jugo ketórónan Adam sampe-sampe Kau meratikenyo?
6 Kau mbékén dio wong sedikit lebé renda dari Allah,d
trós ngenjók kemulyoan jugo kehormatan jadi mahkotanyo.
7 Kau mbékén dio wong nguasoi ciptoan tangan Kau.
Slórónyo Kau tarok di bawa sekel dio wong:
8 slóró kambéng domba samo sapi,
jugo binatang-binatang liar di darat,
9 bóróng-bóróng di langét samo iwak-iwak di laót,
jugo mahlók-mahlók yang melok'i arós laótan.e
10 Ya ALLAH, ya Tuan Agóng kami,
alangke mulyo namo Kau di slóró bumi!