137
Ratepan wong Israel dalem pembuangan di negri Babel
1 Di pénggér sungi-sungi Babel,a
di sanola kito dódók sambél nangis
pas kito nginget Sion.
2 Di pohon-pohon rindangb di negri Babel tu,
kito gantóngke kecapi-kecapi kito.
3 Soalnyo di sanola wong-wong yang nangkep kito
mintak kito nyanyi,
trós wong-wong yang nganiayo kito
mintak disenengke,
ujinyo,
“Nyanyikela óntók kami nyanyian óntók Sion!”
4 Cakmano móngkén kito pacak nyanyike nyanyian óntók ALLAH
di negri wong kapér?
5 Ói Yerusalem, amen aku ngelupoke kau,
biarla tangan kanan aku lupo samo kepacak'annyo.
6 Biarla lida aku kelu di jeró mólót aku,c
amen aku idak nginget kau,
trós idak nyadike Yerusalem kesenengan tebesak aku.
7 Ya ALLAH, ingetla
samo kelakuan bani Edomd di ari Yerusalem dimusnake,
iola wong-wong yang ngomong cak ini,
“Róntókela! Róntóke sampe ke dasarnyo!”
8 Ói Babel, Anak Gadés Yang Bakal Dibinasoke!e
Senengla ati siapo bae yang bakal mbales ke kau
slóró kelakuan yang la kau lakuke ke kami!
9 Iyo, senengla ati wong yang nangkepi trós ngempaske
kupek-kupek kau ke batu karang.