43
1 aYa Allah, enjókkela keadélan samo aku!
Bela-la pekaro aku dari bangso kapér!
Lepaskela aku dari wong yang calak jugo jahat!
2 Soalnyo Kaula Tuhan tempat peléndóngan aku.
Ngapo Kau mbuang aku?
Ngapo aku harós terós bejalan dalem kegelepan karno penindesan mósó?
3 Kérémla terang Kau jugo kebeneran Kau!
Biarla aku ditóntónnyo
trós digawaknyo ke bókét Kau yang suci,
tempat tinggal Kau.
4 Mangko aku bakal pegi ke mesba Allah,
ke Tuhan sumber kesenengan aku, yang békén aku besorak.
Aku bakal muji Kau dengen kecapi,
ya Allah, ya Tuhanku!
5 Ói jiwo aku, ngapo kau teteken?
Ngapo kau ancór di dalem aku?
Bearepla samo Allah!
Soalnyo aku bakal besókór lagi samo Dio,
penolong aku jugo Tuhan aku.