70
Doa ngingetke Allah óntók nolong kito
1 Catetan óntók pemémpén pujian: Saér nyanyian ni dari Daód. Óntók penginget.
2 aYa Allah, aku mintak nian, lepaskela aku!
Ya ALLAH, gancangla tolong aku!
3 Biarla wong-wong yang ngejer nyawo aku
dipermaluke trós dihino.
Biarla wong-wong yang seneng aku celako
bebalék lari trós direndake.
4 Biarla wong-wong yang ngatoi, “Sókórla, sókórla!”
dipakso móndór karno malu.
5 Biarla slóró wong yang ngejer Kau
beseneng trós besorak karno Kau.
Biarla wong-wong yang cinto keselametan dari Kau terós-terósan ngomongke,
“Allah Maha Besak!”
6 Aku ni saro jugo méskén.
Gancangla datengi aku, ya Allah!
Kaula penolong aku jugo pembebas aku;
janganla belambat-lambat, ya ALLAH!