87
Allah bakal mbékén Kota Sion, iola Yerusalem, jadi tempat asal slóró bangso
1 Saér nyanyian dari bani Korah.a Nyanyian.
Dasar-Nyo ado di bókét-bókét suci.
2 Iyo, ALLAH paléng ngaséhi gerbang-gerbang kota Sion
dibandéngke slóró tempat di Israel.b
3 Pekaro-pekaro mulyo diomongke pasal kau, ói Kota Allah! Selah
4 Uji Allah,
“Aku bakal nyatoke Mesérc samo Babel
jadi wong-wong yang ngenal Aku.
Jingokla Pilistea, Tirus, samo Etiopia;d
Aku nyatoke dio wong jugo laér di sano!”e
5 Iyo, pasal Sion bakal diomongke cak ini,
“Tiap wong laér di sano,”
trós, “Yang Maha Besak negóke kota tu.”
6 Di daptar bangso-bangso, ALLAH bakal nyatet cak ini,
“Wong ni laér di sano.” Selah
7 Laju penyanyi samo penari bakal muji kota tu cak ini,
“Slóró mato banyu aku ado di dalem kau, ói Sion!”