96
Sambótla kedatengan Allah, yang iola Rajo jugo Hakém slóró bumi!a
1 Nyanyila óntók ALLAH sikok nyanyian baru!
Nyanyila óntók ALLAH, ói slóró bumi!
2 Nyanyila óntók ALLAH, pujila namo-Nyo!
Britokela keselametan dari Dio ari demi ari!
3 Ceritokela kemulyoan-Nyo di antaro bangso-bangso,
pebuatan-Nyo yang ajaéb di slóró suku bangso!
4 Soalnyo ALLAH Maha Besak jugo pantes nian dipuji,
pantes dikagómi lebé dari slóró dewo.
5 Iyo, slóró dewo bangso-bangso katek dayo,
tapi ALLAH yang mbékén langét.
6 Kekuasoan jugo keagóngan ado samo Dio;
kekuatan jugo kemulyoan ado di tempat suci-Nyo.
7 Akuila ALLAH, ói suku-suku bangso,
akuila ALLAH karno kemulyoan jugo kekuatan-Nyo!
8 Akuila ALLAH karno kemulyoan namo-Nyo!
Gawakla pesembahan trós masókla ke halaman-Nyo!b
9 Sójódla samo ALLAH dengen behiaske kesucian;
gemeterla di adepan-Nyo, ói slóró bumi!c
10 Omongkela di antaro bangso-bangso cak ini,
“ALLAH mrénto jadi Rajo!
Iyo, bumi ditegóke jugo idak bakal tegoyake;
Dio bakal ngakémi suku bangso dengen adél.”
11 Biarla langét besorak jugo bumi beseneng!
Biarla laót begemóró dengen slóró isinyo!
12 Biarla padang rómpót dengen slóró yang ado di pócóknyo benari-nari!
Soalnyo Dio dateng!
Iyo! Dio dateng óntók mrénto bumi!
Dio bakal mrénto dunio dengen keadélan,
jugo suku bangso dengen kebeneran-Nyo.