108
Doa sókór jugo mintak petolongan Allah ngelawan mósó
1 Nyanyian. Saér nyanyian Daód.
2 aAti aku tegó, ya Allah!
Aku nak nyanyi trós maén musik,
dengen segenep jiwo aku!
3 Ói gambós samo kecapi, nyanyila!
Aku nak nyambót pajar!
4 Ya ALLAH, aku nak ngucap sókór samo Kau di antaro bangso-bangso!
Aku nak nyanyike pujian óntók Kau di antaro suku-suku bangso!
5 Soalnyo kasé Kau besak ngelebéi langét,
trós kestioan Kau sampe ke awan-awan.
6 Ya Allah, tinggikela diri Kau ngelebéi langét,
trós biarla kemulyoan Kau tejingok di pócók slóró bumi.
7 bSelametkela dengen tangan kanan Kau, trós jawabla aku,
supayo wong-wong yang Kau kaséhi dilepaske.
8 Allah la bepirman di tempat suci-Nyo,
uji-Nyo, “Aku bakal besorak dalem kemenangan,
Aku bakal mbagé-bagéke tana Sikem,c
trós Aku bakal ngókór Lemba Sukot.
9 Gileadd punyo Aku,
Manasye jugo punyo Aku,
trós Epraém jadi tameng palak Aku.
Yuda jadi korsi kerajaane Aku.
10 Moabf jadi wada pembasóan Aku;
Di Edom, Aku bakal nguntalke selop Aku;g
Pasal Pilistea, Aku bakal besorak dalem kemenangan.”
11 Siapo yang bakal mémpén aku ke kota mósó yang bebenteng tu?
Iyo, siapo yang bakal gawak aku sampe ke negri Edom?
12 Ya Allah, bukannyo Kau la mbuang kami,
trós idak maju besamo tentra kami, ya Allah?
13 Enjókla kami petolongan óntók ngadepi mósó,
karno sio-siola keselametan yang dari manusio.
14 Besamo Allah, kito bakal ngelakuke pebuatan yang gagah.
Diola yang bakal mijak-mijak slóró lawan kito.