110
Janji-janji Allah óntók rajo yang dilanték-Nyo
1 Saér nyanyian Daód.
Cak inila pirman ALLAH ke tuanku,a uji-Nyo,
“Dódókla di sebela kanan Aku,
sambél Aku mbékén mósó-mósó kau
jadi bangku alas sekel kau.”b
2 ALLAH bakal ngólórke tongkat tando kekuasoan kau dari Sion.
Bekuasola di antaro mósó-mósó kau!
3 Rakyat kau bakal maju dengen rela ati
pas ari pejuangan kau
dengen behiaske kesucian.
Iyo, wong-wong mudo kau bakal dateng ke kau,
pecak banyu embón yang dilaérke pajar.c
4 ALLAH la besumpa,
trós Dio dak bakal ngoba kepótósan-Nyo, uji-Nyo,
“Kau iola imam óntók selamo-lamonyo
nórót caro Rajo Melkisedek.”d
5 Tuan Yang Agóng ado di sebela kanan kau;
Dio ngancórke rajo-rajo pas ari murko-Nyo.
6 Dio ngókóm bangso-bangso,
sampe penu dengen mayat.
Dio ngancórke kepalak di slóró negri.
7 Dari sungi di pénggér jalan dio bakal minum.
Laju, palaknyo bakal teangkat tinggi.