112
Kesenengan wong yang tóndók dengen takjób samo Allaha
1 Pujila ALLAH!
Senengla ati wong yang tóndók dengen takjób samo ALLAH,
yang seneng nian samo prénto-prénto-Nyo.
2 Ketórónan wong tu bakal jadi hebat di negri ni,
angkatan wong yang lórós ati yang bakal diberkahi.
3 Harto jugo kekayoan ado di rumanyo;
kebenerannyo betahan sampe selamo-lamonyo.
4 Di dalem kegelepan, terbétla terang óntók wong yang lórós ati,
iola wong yang mura ati, bebelaskesian, jugo bener.
5 Beróntóngla wong yang mura ati jugo galak ngenjók pinjeman,
yang gaweke órósannyo dengen adél.
6 Dio dak bakal tegoyake sampe selamo-lamonyo;
wong bener bakal diinget óntók selamo-lamonyo.
7 Dio idak takót samo kabar bórók,
atinyo mantep jugo pecayo samo ALLAH.
8 Atinyo tegó, dio idak bakal takót
sampe ari dio bakal jingok'i bae mósó-mósónyo dikalake.
9 Dio galak ngenjók trós mbagé-bagékenyo ke wong méskén.
Kebenerannyo betahan sampe selamo-lamonyo,
trós tandók kekuasoannyo bakal teangkat tinggi dalem kehormatan.
10 Wong jahat nyingok tu trós jadi mara,
dio melotot,b trós pata semangat.
Arepan wong jahat bakal binaso.